रेल्वेचे खासगीकरण होत असतांना कामगार शांत का ?.

 रेल्वेचे खासगीकरण होत असतांना कामगार शांत का ?.

भारतातील सर्वात मोठा उद्योगधंदा आणि तो भी सार्वजनिक उद्योग धंदा.भारताच्या प्रत्येक नागरिकांना लाभ व सेवा देणारा उद्योग म्हणजेच भारतीय रेल्वे आहे.भारतीय रेल्वे स्टेशन वर असणारे कामगार कर्मचारी कायमस्वरूपी देशाची सेवा करणारे नागरिक असतात. त्यांच्यावर नितीमतेचे संस्कार झाले असतील तर आणि त्यांनी संविधानाने दिलेले कायदे नियमांचे योग्य प्रमाणात पालन केले तर सर्वश्रेष्ठ सेवा देऊ शकतात.पण त्यांची संघटना, युनियन ज्या विचारधारा मानणारी असेल तर त्यांची सेवा नसेल ते योग्य वेळी नागरिकांची,प्रवाशांची ग्राहकांची फसवणूक, लूटमार करू शकतात. त्यांचे उत्तम उदाहरण म्हणजे आजचे कामगार कर्मचारी व त्यांच्या राष्ट्रीय ट्रेंड युनियन आहेत. त्यांच्या विचारांचे प्रतिबिंब त्यांच्या कुशल कामकाजात कार्यपद्धती कार्यप्रणालीत दिसत आहे. म्हणूनच रेल्वेचे खासगीकरण होत असतांना रेल्वेचे कामगार शांत का? संघटित कामगारांचे तीव्र आंदोलन कुठेच का दिसत नाही.

भारतीय रेल्वे कामगारांच्या युनियन म्हणजेच सेन्ट्रल रेल्वे मजदूर संघ (CRMU),आणि त्याचं तोडीची नॅशनल रेल्वे मजदूर युनियन (NRMU) त्यांच्याशी संलग्न असलेल्या प्रादेशिक झोनच्या अनेक संघटना, युनियन आहेत.त्यात मागासवर्गीय समाजाची एस टी, एस सी एम्प्लेइज असोशियन,ओ बी सी एम्प्लेइज असोसिएशनचे फेडरेशन हया प्रत्येक निवडणूकीत या दोन राष्ट्रीय ट्रेंड युनियनलाच मतदान करतात.त्यामुळे राष्ट्रीय ट्रेंड युनियननी आज पर्यंत मागासवर्गीय कामगार कर्मचारी यांची मोठी फसवणूक केली असे लिहले तर चुकीचे ठरणार नाही. 

कामगार संख्याच्या बळावरच हया ट्रेंड युनियन चालतात. मग या युनियननी कायमस्वरूपी चालणाऱ्या कामानां कायमस्वरूपी कामगार कर्मचारी लागतात हे माहिती नसेल का?. त्या रिकाम्या जागा का भरण्यावर जोर दिला नाही.ते कामे कायमस्वरूपी कॉन्टॅक्टरला देण्यास युनियन ने तेव्हा तीव्र विरोध करून जनआंदोलन आणि न्यायालयीन लढाई का लढली नाही?. हा मुद्दा कोणीच लक्षात घेऊन गांभीर्याने चर्चा का केली नाही?.याला या ट्रेड युनियनची मनुवादी विचारधारा,वर्णव्यवस्था पुन्हा स्थापन करण्यासाठी आजची समतावादी व्यवस्था संपवली पाहिजे.त्यासाठी कायम स्वरूपी चालणारे काम ते करणारे कायमस्वरूपी कामगार बंद झाले पाहिजेत.त्यासाठी कॉन्टॅक्टर नेमण्यात आला.तेच कामे कंत्राटी कामगार करू लागला. आणि रेल्वेचा संघटित कामगार उध्वस्त  झाला.

ट्रेड युनियन चे राष्ट्रीय नेतृत्व काय करीत होत?.संघाच्या नियोजनबद्ध योजनेची अंमलबजावणी?. बहुसंख्य मागासवर्गीय एस टी,एस सी,ओबीसी आदिवासी अल्पसंख्याक कामगार काय करीत होते?.दरवर्षी सत्यनारायण महापूजा आणि महापरीनिर्वाणदिनी भोजनदान.यांची कामगार,कर्मचारी अधिकारी म्हणून विचारधारा कोणती?.तिचे नियोजन काय होते.डॉ बाबासाहेब आंबेडकर यांनी १२/१३ फेब्रुवारी १९३८ साली रेल्वे गॅंगमन कामगार परिषेद मनमाड मध्ये सांगितले होते, कामगारांचे ध्येय शासन यंत्रणेवर दबाव निर्माण करणे किंवा शासन यंत्रणा ताब्यात घेणे हे असले पाहिजे.भारतीय मजदूर संघाने ते पूर्ण करून दाखविले.

  बहुसंख्य मागासवर्गीय एस टी,एस सी,ओबीसी आदिवासी अल्पसंख्याक संघटित कामगारांना उद्धवस्थ करून त्यांच्या मुलांना आणि एकूण मागासवर्गीय समाजाला कंत्राटी कामगार बनवुन त्यांचे ही नेतृत्व हेच राष्ट्रीय ट्रेंड युनियन वाले करीत असतील तर यांची मूळ विचारधारा कोणती असावी?.बहुसंख्य मागासवर्गीय एस टी,एस सी,ओबीसी आदिवासी अल्पसंख्याक कामगार कर्मचारी अधिकारी आणि यांचा मुलांनी गांभीर्याने विचार केला पाहिजे होता. आता वेळ निघून गेली. केंद्र सरकार,रेल्वे मंत्रालय यांनी रेल्वेचे संघटित कामगारांची बलाढ्य संघटना युनियन राष्ट्रीय ट्रेड युनियन पद्धतशीरपणे मुळासकट उध्वस्त करून टाकली असे स्पष्टपणे आजचे चित्र दिसते.म्हणूनच रेल्वेचे खासगीकरण होत असतांना रेल्वे कामगारांच्या युनियनचा शेतकरी आंदोलनासारखा तीव्र संघर्ष दिसत नाही.

 भारतीय रेल्वे विभागात अनेक खाते आहेत त्यात काम करणारे बहुसंख्य कामगार बहुसंख्येने एस टी,एस सी, ओबीसी आदिवासी अल्पसंख्याक कामगार कर्मचारी अधिकारी मागासवर्गीय आहेत.जे काम वर्षाच्या ३६५ दिवस चालते त्या कामावर ज्यांनी २४० दिवस काम केले त्या कामगारांना कायम करता येते असा कायदा आहे हे या राष्ट्रीय ट्रेंड युनियन नेत्यांना माहिती नाही असे म्हणता येईल काय?.

 डॉ बाबासाहेब आंबेडकर यांनी १२/१३ फेब्रुवारी १९३८ ला मनमाड येथे रेल्वे गॅंगमन कामगार परिषद मध्ये जे सांगितलेले होते.की कामगार कर्मचारी वर्गाचे दोन दुष्मन एक भांडवलशाही दुसरी ब्राम्हणशाही यांच्या नेतृत्वाखाली चालणाऱ्या संघटना, युनियन मागासवर्गीय समाजाच्या कामगार कर्मचाऱ्यांचे भले करणार नाहीत म्हणून त्यांचे सभासद न बनता स्वतःच्या ट्रेंड युनियन काढा. ते ऐकले नसल्यामुळे आता बहुसंख्येने एस टी,एस सी,ओबीसी आदिवासी अल्पसंख्याक कामगार कर्मचारी अधिकारी एकूणच मागासवर्गीय संघटीत कामगार कर्मचारी उद्धवस्थ होत आहे.आणि झाला आहे.

कामगार कर्मचारी यांच्या युनियन वाल्यांची किती सांगितले की आम्ही जात धर्म प्रांत राज्य पाहत नाही. केवळ कामगारांच्या न्याय हक्क साठी संघर्ष करतो.तर ते शंभर टक्के खोटे बोलतात हे लक्षात घ्या.जगात जातीव्यवस्था नाही,वर्ग वर्णवाद आहेत, भारतात जातीव्यवस्था आहे त्यामुळेच अनेक संस्था,संघटना,युनियन विचारांच्या आदर्शां शिवाय चालूच शकत नाही.त्यांच्यात वैचारिक विचारधारा असतेच. म्हणूनच भारतात आंबेडकरवाद,गांधीवाद, मनुवाद आणि मार्क्सवाद हे चार वाद अस्तित्वात आहेत. स्वातंत्र्याची लढाई ही गांधीवादामुळे झाली. मार्क्सवाद हा भांडवलदारा विरोधी वाद आहे. मनुवाद हा चातुर्वर्ण व्यवस्थेवर आधारित वाद आहे व त्याला ब्राम्हणवादही म्हणतात जो समता,स्वातंत्र्य,बंधुभाव व न्याय, धर्मनिरपेक्षताच्या विरोधी आहे. तर आंबेडकरवाद हा समता, स्वातंत्र्य, बंधुभाव, न्याय व धर्मनिरपेक्षता या मानवी मुल्यांना मानणारा वाद आहे. गांधीवाद व मार्क्सवाद हा चातुर्वर्णाला विरोध करीत नाही. जो बहुजनांना मागासवर्गीयांना शिक्षण, संपत्ती व शासनाचा अधिकार नाकारतो. म्हणजेच भाजप जो मनुवादाचा खुला समर्थक आहे.तसाच गांधीवाद व मार्क्सवाद हा मनुवादाचा छुपा समर्थक आहे. म्हणूनच भारतातील सर्व सार्वजनिक उद्योग धंद्यातील आरक्षण रद्द करून बहुजन मागासवर्गीय समाजाच्या कामगार कर्मचारी यांना कायमस्वरूपी कंत्राटी कामगार कर्मचारी बनविण्यात येत आहे.त्यामुळे आपोआप त्यांच्या मूलभूत गरजा भागविण्यासाठी त्यांना गुलामगिरी स्वीकारावी लागेल ते कायमस्वरूपी अपंग,लाचार राहतील. त्यांना स्वतंत्र,समता,बंधुभाव न्याय,शिक्षण संपत्ती यांचा अधिकारच राहणार नाही. करीता कामगार कर्मचारी यांच्या संघटना, युनियन आपल्या ताब्यात ठेवण्यासाठी सर्व वादा वाले वेगवेगळ्या नांवे युनियन संघटना चालवुन सरकार व प्रशासकीय यंत्रणे वर कायमस्वरूपी दबाव ठेवतात.  यावरून चित्र स्पष्ट होते की संघर्ष फक्त कामगार कर्मचारी आणि सरकार मध्ये नसतो.तर आंबेडकरवाद व मनुवादातच असतो आणि आहे. त्यामुळे मनुवादी आंबेडकरवादाला साम, दाम, दंड, भेद या नितीचा वापर करून संपविण्याचा प्रयत्न करीत आहेत.डॉ बाबासाहेब आंबेडकर यांच्या मुळे बहुसंख्येने एस टी,एस सी,ओबीसी आदिवासी अल्पसंख्याक कामगार कर्मचारी अधिकारी एकूणच मागासवर्गीय समाजाला आरक्षण मिळाले, शिक्षणामुळे रोजगार नोकरी मिळाली नोकरीमुळे आर्थिक परिस्थिती सुधारली.मोठा सामाजिक बदल झाला. त्यामुळेच पुढील पिढी शिक्षण घेऊन जागतिक पातळीवर स्पर्धा परीक्षा देऊन अधिकारी पदावर विराजमान होत आहे. हेच मनुवादी विचारांच्या तीन टक्के लोकांना नको आहे ते पंधरा टक्के लोकांना हाताशी धरून पांच्याशी टक्के लोकांवर राज्य करीत आहेत. केवळ कामगार कर्मचारी यांच्या पुरती ही लढाई नाही तर त्यांचे दुष्ट परिणाम खूप दूरवर होणार आहेत. म्हणूनच संघटित कामगारांच्या युनियन असंघटित कामगारांच्या युनियन काढत नाही. तर त्यांच्यावर नियंत्रण ठेवण्यासाठी हा सर्व संघर्ष आहे. संघटित कामगारांना योग्य न्याय मिळाला. तर असंघटित कामगार निर्माण होणारच नाही.यांचा गांभीर्याने विचार बहुजन मागासवर्गीय,अल्पसंख्याक,आदिवासी समाजातील कामगार कर्मचारी अधिकारी यांनी केला पाहिजे आणि आपण कोणत्या संघटनेचे,युनियनचे सभासद आहोत.ती कोणत्या विचारांची आहे ती कोणता वाद मानते हे समजुन घेतलेच पाहिजे.

 आज आंबेडकरवादी मागासवर्गीय समाजावर जे हल्ले होत आहेत.यांचे मूळ कारण यात आहे.आताआंबेडकरवादाला जिवंत ठेवण्या करिता बहुजन,मागासवर्गीय अल्पसंख्यांक समाजातील म्हणजे ओबीसी,आदिवासी,भटके व विमुक्ते या समाजामध्ये आंबेडकरवादाचा प्रचार झाला पाहिजे. त्या समाजातील कामगार,कर्मचारी,अधिकारी कोण कोणत्या संघटना युनियन मध्ये काम करतात.यांची माहिती समाजाने ठेवली पाहिजे त्यांच्या कडे केवळ जयंती वर्गणी, मंदिर बांधकाम जाहीर सभा,मोर्चे आंदोलन मदत घेण्यासाठी जाऊ नये.तर त्यांच्या उद्योग धंदातील कायमस्वरूपी चालणारे कामे कंत्राटी पध्दतीने चालतात ते बंद करून कायमस्वरूपी कामगारांची भरती करून कामे करण्यात यावे यावर भर दिला पाहिजे.हेच मागासवर्गीय कामगार कर्मचारी अधिकारी वर्गाचे प्रथम कर्तव्य आहे. ही जबाबदारी भारतातील कोणत्याही राष्ट्रीय ट्रेंड युनियन घेणार नाही.ती जबाबदारी पार पाढण्यासाठी डॉ बाबासाहेब आंबेडकर यांनी स्थापन केलेल्या स्वतंत्र मजदुर युनियनने ही जबाबदारी घेतली आहे. स्वतंत्र रेल्वे बहुजन कामगार युनियन रेल्वे मधील सर्व बहुजन समाजातील कामगार, कर्मचारी अधिकारी यांना संघटित करून २०२१ चे ५ लाख सभासद देशपातळीवर करण्याचे टारगेट ठरविले आहे.

यामुळेच रेल्वे च्या विविध विभागातील हया ज्या मान्यताप्राप्त युनियन आहेत यांची मान्यता रद्द झाल्या शिवाय बहुजन मागासवर्गीय अल्पसंख्याक,आदिवासी भटक्या विमुक्तयांना या उद्योगात प्राधान्य मिळणार नाही. 

म्हणूनच संघटीत बहुजन मागासवर्गीय अल्पसंख्याक, आदिवासी कामगार कर्मचारी वर्गाला उध्वस्त करून असंघटित कामगारांचे नेतृत्व करणाऱ्या संघाला नेत्यांना रोखा नाहीतर येणार काळ तुम्हाला माफ करणार नाही.

भांडवलशाही ब्राम्हणशाही हातात हात घालुन ठोकशाही पद्धतीने संविधानाने दिलेले मूलभूत अधिकार नष्ट करण्याचे काम करीत आहे.अधिकार नष्ट झाल्यावर संविधान कुठे असेल तिथे हुकूमशाही व ठोकशाहीच चालेल म्हणूनच संघटीत असंघटित कामगार कर्मचारी यांनी गांभीर्याने विचार करावा. रेल्वेचे खासगीकरण होत असतांना रेल्वेचा संघटित कामगार आंदोलने का करीत नाहीत?.तो शांत का आहे?.

सागर रामभाऊ तायडे, ९९२०४०३८५९,

अध्यक्ष स्वतंत्र मजदूर युनियन महाराष्ट्र राज्य