शिवसेनेची शिवजयंती आणि संविधान

 शिवसेनेची शिवजयंती आणि संविधान  

भारत हा विविध जातीधर्माच्या लोक समूहाचा देश आहे,प्रत्येकाची जात,धर्म,भाषा वेशभूषा वेगवेगळी असली तरी सर्वांना स्वातंत्र्य,समता,बंधुता आणि समानन्याय मिळत असतो. ज्यांना भारतीय राज्य घटना "संविधान" मान्य नाही ते वेळोवेळी मनुस्मृती नुसार आचरण करून देशाच्या सार्वभौम धर्मनिरपेक्षतेलाचा आव्हान देण्यासाठी उभे राहतात. यांचे उत्तम उदाहरण म्हणजेच तिथीनुसार शिवजयंती व सत्यनारायण महापूजा आहे.

कायदा सुव्यवस्था बिघडविणे समाजात तेड निर्माण होईल असा कार्यक्रमाचे आयोजन करणे म्हणजे कलम १४२ ते १५२ नुसार गुन्हा केला आहे. पण मुंबईसह महाराष्ट्रातील पोलीस प्रशासन या घटनाकडे संपूर्ण दुर्लक्ष करीत असते.ती धर्मनिरपेक्ष,निःपक्षपाती निर्भीड पणे कायद्याची अंमलबजावणी करीत नाही हे यावरून सिद्ध होत आहे.शिवजयंती साजरी करणारी मंडळी छत्रपती शिवाजी महाराज यांचा कोणता आदर्श डोळ्यासमोर ठेवून तिथी नुसार जयंती साजरी करते?. म्हणूनच शिवसेनेची शिवजयंती आणि संविधान आज खूप लक्षवेधी विषय झाला आहे.हे मराठी माणसाना व एक मराठा लाख मराठा म्हणणाऱ्या मराठ्यांना कळले असेल.

        शिवाजी महाराजाच्या नांवाचा व्यापार करून काही संघटना राज्यात केंद्रात सत्ताधारी झाल्या पण त्यांनी शिवाजी महाराजांचा खरा आदर्श कधीच घेतला नाही, केवळ नांवा पुरती प्रतिमा आणि मूर्तीचा वापर केला. शिवाजी महाराजांच्या मातोश्री राष्ट्रमाता जिजाऊ यांच्या चरित्रावर शिंतोडे उडवण्याचे काम ज्यांनी केले त्यांच्या समर्थनात आपली शक्ती खर्च केली. त्याचं पद्धतीने शिवाजी महाराज यांच्या जयंतीचा वाद बुद्धिजीवी विचारवंतांच्या समितीने सोडविल्यावर ही त्यांनी आपली भूमिका सोडली नाही. त्यामुळे राज्यात शिवरायांचे मावळे कमी आणि कावळे जास्त झाले.म्हणून त्यानी जयंती बाबत ही समाजात गैरसमज कसे निर्माण होतील यांची जास्त काळजी त्यांनी घेतली.शाळा,कॉलेजमध्ये विद्यार्थीदसे पासूनच त्यांना अभ्यासक्रमात एक आणि बाहेरच्या जगात एक शिवाजी महाराज शिकविला जातो,त्यांना कोणता शिवाजी अभिप्रेत आहे हे दरवर्षी ते कायद्याला आव्हान देऊन दाखवून देतात.म्हणूनच शिवसेनेची शिवजयंती आणि संविधान आज खूप लक्षवेधी विषय झाला आहे.

        राष्ट्रपिता ज्योतिबा फुले यांनी १८६९ साली रायगडावरील शिवरायांची समाधी शोधून काढली व शिवरायांच्या जीवनावर जगातील पहिला आणि प्रदिर्घ असा खरा पोवाडा लिहिला.शिवरायांचे जगविख्यात कार्य घराघरात पोहचावे यासाठी जोतीराव फुले यांनी १८७० साली शिवजयंती सुरु केली.शिवजयंतीचा पहिला कार्यक्रम पुणे येथे पार पडला.तेंव्हा पासून शिवजयंती मोठया धुमधडाक्यात सुरु झाली. याप्रसंगी टिळक १२-१३ वर्षाचे ‘बाळ' होते. शिवजयंतीचा वाढता लोकोत्सव पेशवाईच्या समर्थकांना खुपत होता. कारण पेशव्यांनी शिवशक बंद करुन मुस्लिमांचा फसली शक सुरु केला होता.म्हणून ही तिथीनुसार शिवजयंती साजरी होते. हा सन्मान आहे की अपमान?.हे मराठी माणसांना व स्वताला शिवसैनिक मनसे सैनिक समजणाऱ्यांना कळला नाही.तीच  शिवसेना शिवजयंती साजरी करतांना संविधान मानत नाही.आणि पक्षाची मान्यता व चिन्ह रद्द झाल्यामुळे संविधाना

        शिवरायांचा रायगड उध्वस्त करुन दप्तरखाना जाळला होता. त्याला पेशवाईचे समर्थन होते.म्हणुन ब्राह्मणांचे जेष्ठपुढारी बाळ गंगाधर टिळक यांनी शिवजयंती बंद पाडण्यासाठी गणेशोत्सव सुरु करुन शिवभक्तात शिवजयंती बाबत संभ्रम निर्माण केला. आणि करणारे टिळक हे आद्य ब्राह्मण होते.पुढे ब्राह्मणांनी शिवजयंती निश्चित होऊ नये यासाठी ‘वाद' कायम ठेवला. कारण शिवजयंतीच्या निमित्ताने प्रजा एकत्र येईल. ख-या शिवचरीत्रातून हक्क-अधिकाराची मागणी करणारे शिवभक्त मावळे निर्माण होतील, हे रोखण्यासाठी ब्राह्मणांनी शिवजयंतीचा वाद चालू ठेवला.हा वाद संपावा यासाठी महाराष्ट्र शासनाने १९६६-६७ साली 1) वा.सी.बेंद्रे, 2) न.र.फाटक 3) ग.ह.खरे, 4) द.वा. पोतदार, 5) डॉ.आप्पासाहेब पवार, 6) ब.म.पुरंदरे यांची एक समिती स्थापन केली. वादग्रस्त बाबीसाठी शासन समिती स्थापन करते, उदा.श्रीकृष्ण आयोग,न्या.सावंत आयोग बापट आयोग.सराफ आयोग किती तरी आयोग आहेत. त्याप्रमाणे शिवजयंतीची तारीख निश्चित करण्यासाठी शासनाने शिवचरित्र संशोधकांची समिती स्थापन केली.
        इतिहास तज्ञा बुद्धिजीवी विचारवंताला या कामाला २ वर्ष लागतात,तेथे त्यांना ३० ते ३३ वर्षे लावले, म्हणजेच हा वेळकाढूपणा होता कि नाही?. यासमितीने १९ फेब्रुवारी १६३० ही जन्मतारीख शासनाला सादर केली.१९ फेब्रुवारी ही शिवजयंतीची तारीख जाहीर झाल्याबरोबर कालनिर्णय कॅलेंडरवाले जयंत साळगांवकर यांनी तिथि प्रमाणे शिवजयंती साजरे करावी असे आव्हान केले. त्यासाठी वर्तमानपत्रात जाहीराती दिल्या.या पाठीमागे जयंत साळगांवकरांचे शिवरायांबाबत प्रेम नसून वाद निर्माण करणे ही भूमिका होती. जयंत साळगांवकरांनी तिथीचा आग्रह धरताच त्यासाठी 1) पुरंदरे, 2) बेडेकर, 3) मेहंदळे यांनी तिथी समर्थनार्थ साळगांवकरांना पत्र दिली.शासनाच्या समितीत असणारे पुरंदरे तिथीच्या म्हणजेच ब्राह्मणांच्या कळपात घुसले. म्हणजे पुरंदरे हे शिवाजी प्रेमी नसून जयंत साळगांवकर इतर ब्राह्मणप्रेमी व विघ्नसंतोषी टिळक प्रेमी आहेत हे सिद्ध झाले.
          1) जयंत साळगांवकर, 2) पुरंदरे, 3) बेडेकर आदि ब्राह्मणांनी शिवजयंती तिथीप्रमाणे व्हावी हा आग्रह धरून आपला ब्राम्हणी कावा दाखविला,त्याला विरोध करण्यासाठी बाळ कडू आणि बाळकडू पिलेले कावळे जोमाने कामाला लागले,शासन प्रशासनाने दिलेले निर्णय आम्ही मानत नाही हे दाखवून दिले,खरे तर लोकशाहीच्या चौकटीत यांच्या वर राष्टपुरुषाचा अवमान केला म्हणुन देशदोहाचा गुन्हा दाखल होऊ शकला असता,पण राज्यकर्ते मनुवादी हिंदुत्व मानणारे असल्यामुळे कोणीच कोणावर कारवाई केली नाही,
शिवजयंतीच्या तारीख-तिथीचा वाद कोणत्याही राजकीय पक्षाने निर्माण केलेला नसून पुरंदरे,बेडेेकर आणि जंयत साळगांवकर यांनी निर्माण केलेला आहे. पण हा वाद सर्वत्र व्हावा यासाठी ब्राह्मणांनी याला राजकीय स्वरुप दिले.अनेक राज्यकर्तांना माहित नाही की हा वाद ब्राह्मणांनी निर्माण केलेला आहे.यासाठी ब्राह्मणांनी नेहमीप्रमाणे धर्म-संस्कृतीचे हत्यार पुढे केले.ब्राह्मणांनी शिवजयंतीच्या तारखेला विरोध तर तिथीचा आग्रह धरला.या मागील षडयंत्र काय होते हे आता तरी शिवसेनेच्या शिवसैनिकांना कळला असेल अशी अपेक्षा. 

     तारखेप्रमाणे शिवजयंती साजरी झाली तर वाद संपून देशात व जगात शिवजयंती होईल,कारण देशातील ग्रामपंचायत,शाळा,कॉलेजेस् पासून न्यायालय,संसद इ.सर्व कारभार तारखेप्रमाणे चालतात.तारीख वर्षातून एकदाच आणि एकाच महिन्यात येते. त्यामुळे वाद संपतो.सरकारी बँका, कार्यालये,शाळा,महाविद्यालयात शिवचरित्रावर भाषणे होतात.त्यामुळे शिवरायांचे खरे शिवचरित्र जनतेला समजते.खरे शिवचरित्र समजले तर बहुजनसमाज ब्राह्मणाला माफ करणार नाही,ही भीती ब्राह्मणांना होती.म्हणून ब्राह्मण शिवचरित्रात,जयंतीत वाद निर्माण करतात.म्हणजे प्रतिक्रिया देण्यातच बहुजन समाजाची शक्ती खर्च व्हावी हा ब्राह्मणांचा ब्राम्हणी कावा आहे.

इंग्रजी कॅलेंडर म्हणून तारखेला विरोध करणारे ब्राह्मण मात्र स्वत: इंग्रजी शिकतात.इंग्रजी संगणक,मोबाईल वापरतात. जयंत साळगांवकर कॅलेंडर जानेवारी ऐवजी चैत्र (एप्रिल) महिन्यात का बाजारात आणीत नाहीत? कॅलेंडरमध्ये तारखेचे आकडे मोठे व तिथीचे लहान का टाकतात? ब्राह्मणांना आज इंग्रजी आणि पूर्वी इंग्रजांशिवाय करमत नव्हते ते आज शिवजयंतीच्या तारखेला विरोध करतात. ब्राह्मण शिवजयंतीसाठी तिथीचा आग्रह का धरतात? तिथीप्रमाणे देशातील कोणताही कारभार चालत नाही. आपले गांव,शाळा, देश तिथीप्रमाणे नाही तर तारखेप्रमाणे चालतो.मग तिथी प्रमाणे वाद कायम का राहतो?. कारण तिथी कधी मार्चमध्ये तर कधी एप्रिल-मे मध्ये येते. तिथीप्रमाणे ग्रामपंचायत किंवा प्राथमिक शाळा देखील चालत नाही.शिवाजीराजे जर,राष्ट्रपुरुष,युगपुरुष आहेत.तर तिथीत अडकविण्या इतके राजे लहान का करता?. शिवरायांना लहानपण देऊन राजे कायम वादात रहावेत यासाठी जयंत साळगांवकर यांनी तारीख-तिथीचा वाद निर्माण केला.कारण तिथी आली की पंचांग आले,पंचांग आले की भटजी आला. भटजीची रोजगार हमी आली व ती चालावी या करीताच हा वाद आहे,तारीख तिथीचा वाद लावून ब्राह्मणांनी शिवभक्तात दोन गट पाडले तारखेचे आणि तिथीचे शिवभक्त असा संघर्ष ब्राह्मणांनी निर्माण केला. त्यामुळे कावळे आणि मावळे संघर्ष अटळ झाला आहे. त्यात हे मराठी माणस व एक मराठा लाख मराठा म्हणणाऱ्या मराठे अपोआप पुढाकर घेऊन वाद पेटवितात.हे ब्राम्हणांना चांगले कळते.म्हणूनच त्यांनी छत्रपती शिवाजी महाराजांचे दैवतीकरण केले त्याला डोळे व मेंदू बंद करून उद्धवजी ठाकरे,संजय राऊत यांनी समर्थन करून फोटोचे अनावरण केले.कारण छत्रपती शिवाजी महाराज ३९० वर्षा नंतर ही ब्राम्हणांना पचविणे अशक्य होत आहे. म्हणूनच त्यांनी शिवसेना पक्षप्रमुख उद्धव ठाकरे संजय राऊत यांच्या हस्ते शिवाजी महाराजांच्या फोटोत तीन चार हात दाखवून त्यांच्या हातात वेगवेगळे शस्त्र दाखविले.तो फोटो प्रसिद्ध झाल्यावर संभाजी ब्रिगेड शिवाय कोणीच फारसा विरोध केला नाही.तिथेच शिवसेनेचे वैचारिक अंधपतन सुरू झाले,साठ वर्षाचा अभेद शिवसेना किल्ला हिंदुत्वाच्या मुद्द्यावर आर एस एस प्रणित भाजपाने सुरुंग लावून फोडला.की अधर्माने ईडी, इनकम टॅक्सची भीती दाखवून फोडला हे जग जाहीर आहे.

       शिवरायांची दोन वेळा जयंती साजरी करुन ब्राह्मणांनी एका महान राजाची टिंगल लावलेली आहे. ब्राह्मण कधी गुरुनानक,महावीर,बुद्ध,विश्वरत्न डॉ.बाबासाहेब आंबेडकर यांच्या जयंतीसाठी तिथीचा आग्रह धरतात का?.कारण तो समाज जागा असल्यामुळे ब्राह्मण हे धाडस करीत नाहीत.मग शिवरायांचे मावळे कोण?. शिवचरित्रावर विचार करण्याऐवजी जयंतीचा वाद कार्यकर्ते करतात यामागे बहुजनांचे अज्ञान तर ब्राह्मणांचा क्रूरपणा असतो.हे राज्यातील सरकारने व केंद्रातील सरकारने करून दाखवली आहे. म्हणूनच बाळकडू पिलेले जेजे कावळे आहेत ते शिवजयंती निमित्ताने सत्यनारायण महापूजा ठेवतात.  ते छत्रपती शिवाजी महाराज यांचा आदर्श घेऊन सन्मान करण्यासाठी नव्हे तर मनुस्मृती नुसार शूद्र राजाने शौर्य दाखवुन स्वराज निर्माण करून बहुजन समाजाला न्याय हक्क अधिकार मिळवून दिला यांचा बदला म्हणून अवतारी पुरुष बनविले.छत्रपती शिवाजी महाराजांना देवीचा आशीर्वाद होता त्यामुळेच त्यांनी लढाया जिंकल्या असा भ्रम निर्माण केल्या जातो. त्याकरिता सत्यनारायण महापूजा घातली जाते. पण हे करतांना छत्रपती शिवाजी महाराज यांनी कधी कोणत्या गड किल्ल्यावर सत्यनारायण महापूजा घातल्याचा इतिहास आहे काय?. मग तिथी नुसार शिवजयंती साजरी करणारी ही मंडळी महाराजांचा सन्मान करीत नसुन घोर अपमान करीत आहेत. हे मराठी माणसाना व एक मराठा लाख मराठा म्हणणाऱ्या मराठ्यांना कळत कसे नाही.हा इतिहास माहिती असणारे एक मराठा लाख मराठा म्हणणारे कुठे झोपेत असतात.उच्चशिक्षित असूनही त्यांना हा अपमान का दिसत नाही काय?.         

भारत सरकार व राज्य सरकार हे भारतीय राज्य घटने नुसार म्हणजेच संविधानानुसार चालविल्या जाते. राज्यात शिवसेना सत्ताधारी पक्ष झाली.आणि शिवसेना पक्षप्रमुख राज्याचे मुख्यमंत्री झाले होते. त्यामुळेच शिव जयंती कशी साजरी झाली पाहिजे होती.शासनाने भारतीय संविधानाच्या नियमानुसार शिवचरित्र संशोधकांची समिती स्थापन केली होती. तिच्या निर्णयानुसार कि मनुस्मृती नुसार?. हे मराठी माणसाना व एक मराठा लाख मराठा म्हणणाऱ्या मराठ्यांना कळले असेलच.म्हणूनच शिवसेनेची शिवजयंती आणि संविधान आज धर्मसत्ता,राजसत्ता, शिक्षणसत्ता,आर्थिकसत्ता हाती आल्यावर काय काय करू शकते दाखवुन दिले आहे. छत्रपती शिवाजी महाराजांचे नांव व फोटो वापरून मोठ्या झालेल्या शिवसेनेला आता छत्रपती शिवाजी महाराजांनी निर्माण केलेले स्वराज आणि डॉ.बाबासाहेब आंबेडकर यांनी दिलेले भारतीय संविधान म्हणजे प्रजासत्ताक लोकशाही उद्धवजी ठाकरे यांना व त्यांना मानणाऱ्या  शिवसैनकांना समजली असेल तर त्यांनी त्यानुसार येणाऱ्या काळात वैचारिक बदल करून आचरण करून स्वराज निर्माण करण्याची सुवर्ण संधी उपलब्ध झाली आहे. तिचा परिपूर्ण वापर करून प्रबोधनकार ठाकरे यांना अभिप्रेत असलेलं स्वप्न साकार करावे.हेच खरे अभिवादन असेल, छत्रपती शिवाजी महाराजांच्या ३९३ व्या जयंती निमित्याने सर्व रयतेला हार्दिक शुभेच्छा.

सागर रामभाऊ तायडे, भांडुप मुंबई, 9920403859,