पोलिसांना मदत करणे अत्यावशक आहे.

पोलिसांना मदत करणे अत्यावशक आहे. 

माणसांचे स्वरक्षण करण्यासाठी नेहमीच आपल्या कुटुंबापासून दूर राहून जनतेची सेवा करणारे म्हणजेच देशसेवा करणारे खाकी वर्दीतील माणसं म्हणजेच पोलीस.पोलीस हि माणसंच असतात त्यांना ही बायको,पोर, आईवडील आणि घरदार नातलग असतात.पण कोणताही सण,उत्सव,जत्रा, यात्रा,राजकीय पक्षांच्या जाहीर सभा,जनांदोलन,मोर्चे,निदर्शने, महापुरुषांच्या जयंतीनिमित्त होणारे कार्यक्रम मिरवणूक,भव्यदिव्य शोभायात्रा,गणेशोत्सव, नवरात्र उत्सव एकूण कोणताही कार्यक्रम असो, त्याला पोलीस परवानगी आणि सुरक्षा व्यवस्था ही पाहिजेच पाहिजे,त्यांच्या शिवाय झालेला कार्यक्रम म्हणजेच गडबड, गोंधळ,चेंगराचेंगरी अनेक संकटांना आमंत्रण त्यातूनच होतात अपघात,मारामाऱ्या व खून सुध्दा शुल्क कारणावरून होतांना दिसतात. या सर्वांवर नियंत्रण ठेवण्यासाठी जी संवैधानिक व्यवस्था निर्माण करण्यात आली आहे. ते पोलिस कायदा सुव्यवस्था, नागरिक हक्क न्याय मिळवून देण्यासाठी निर्भीड निर्भय निःपक्षपाती यंत्रणा सांबाळणारे माणसं म्हणजेच पोलीस आहेत.

जगात कोरोनाने प्रचंड थैमान घातला असतांना त्यावर नियंत्रण ठेवण्यासाठी देशात जनता कर्फ्यु लागला, त्यांच्या बंदोबस्त साठी सकाळी सहा वाजता निघालेला नवरा रात्री 12.30 दमून घरी आला तर बायकोने थाळी वाजवून स्वागत केले. कारण देशातील तमाम नागरिकांनी २२ मार्चला पोलीस,डॉक्टर,नर्स,  महानगरपालिका कामगार,कर्मचारी यांचे आभार व्यक्त करण्यासाठी पांच वाजता थाळी टाळी वाजवण्याचा उपक्रम राबविला होता.पोलीस नवरा म्हणाला अग लोक झोपलीत नको वाजवू. ती थोडीशी हिरमुसली पण परत विचार केला लोक ऊठली तर ऊठली. आज माझ्या माणसासाठी मी वाजवणार. आणि तिने तस केलेही. नवरा पोलीस कुठे तरी सुखावला असणार. आत आल्यावर बायको आणि मुलाला डोळे भरून पाहत म्हणाला अग डब्यात चपाती शिल्लक आहे. तिने सकाळी थोडा जास्तीचा डबा दिला होता. आज सर्व बंद होते ना मग कोणी सहकाऱ्यांनी डबा नसेल आणला तर त्याची सोय म्हणून दिलेला डबा. बायकोने तो नवरा पोलीस अंघोळीला गेला. म्हणून तोवर हिने गरम भजी तळायला घेतली रात्री एक वाजता. होय रात्री एकला. काय भूक राहिली असेल बिचाऱ्याला पोलीस नवऱ्याची?. तसा आतून त्याने आवाज दिला. अग काय करतेस आता मला भूक नाही जास्त काही करू नकोस. मला वरण भात दे फक्त.हे ऐकून तिच्या जीवाची घालमेल झाली.दिवस भर टीव्ही वर बातम्या पाहून हीचा जीव आधीच घाबरा झाला होता. त्यांच्या काळजीमुळे अस्वस्थता वाटत होते,पण चेहऱ्यावर काही दाखविले नाही.दोन घास कसे बसे खावून तो झोपला. सकाळी लवकर जायचे सांगून.पण बायकोची झोप पळून गेली.

पोलिसांची बायको म्हणून आता पर्यंत तिने सर्व खुप बंदोबस्त पाहिले होते. पण आज तिला कधी नव्हे ती इतकी भीती वाटली. कदाचित 26/11 नंतर पहिल्यांदा.किती विचार आले मनात तिच्यात काय बदल झाला 26/11 नंतर सुद्धा. परिस्थिती आहे तशीच आहे.आणि आजही त्यांच्या कडे काठीच आहे दहशत वाद्यांच्या मशीन गण ला उत्तर द्यायला.आणि आता कोरोनाला लढा देण्यासाठी ना पुरेसे मास्क आहेत ना सॅनिटीझर ?. तसू भर ही बदल नाही झाला. चार दिवस टीव्ही वाहिन्यांनी तथाकथित तज्ञांनी आरडाओरडा केला. लोकांनी कँडल मार्च काढला. चार दिवस दुखवटा पाळला. पाचव्या दिवशी जैसे थे. नंतर साधे कोणी विचारायला ही आले नाही पोलिसांची परिस्थिती. मग त्यांचे कुटुंबाची विचारपूस तर लांब ची गोष्ट. बायकोला बाहेर जावून ओरडून सांगावे वाटले जनतेला आणि सरकारला आम्ही ही माणसे आहोत. आम्हाला ही भावना आहेत. आम्हाला ही भीती वाटते तुमच्या सारखी. आमचा माणूस गमावण्याची. या विचारात डोळ्यातून अश्रु आले कधी आले हे तिलाही नाही समजले.वाटले ऊठवावे त्यानां आणि सांगावे द्या सोडून ही नोकरी.पण लगेच तिने सावरले स्वतःला. तिला जवानांची पत्नी दिसली समोर. काय होत असेल तिचे बॉर्डर वर नवरा असताना. एकटीने सर्व सांभाळताना. आपला नवरा रोज ऊशिरा का होईना घरी येतो पण त्यांचं काय?. आणि तिला स्वताला अभिमान वाटला पोलिस पत्नी असल्याचा.सौ.सुप्रिया सुधीर तरटे पोलीस वसाहत कांदिवली चारकोप मुंबई यांची पोस्ट सोशल मीडियावर व्हायरल झाली होती.अनेक पोलीस मित्रांनी विनंती केली होती तायडे साहेब पोलीस मित्रांच्या बायकोने आपले दुःख मांडले त्यात भर घालून चांगला लेख लिहा. आम्ही माणसं आहेत हे आम्हाला का सांगावे लागते?.

भारतीय संविधानाच्या चौकटीत जनतेसाठी आम्ही तटस्थ आहोत. पोलिसांचे आदर्श वाक्य आहे. सद्रक्षणाय खलनिग्रहणाय एखादा गुन्हा घडल्यावर तक्रार कशी नोंदविली जाते, पोलीस गस्त घालतात म्हणजे नेमके काय करतात, ‘बीट मार्शल’ म्हणजे काय आणि ते काय काम करतात. पोलीस ठाणे व एकंदर पोलीस दलाविषयी सर्वसामान्यांच्या मनात असणारी अनामिक भीती दूर करून नागरिक व पोलीस यांच्यात सुसंवादाचा पूल बांधण्याचा प्रयत्न समाजातील सामाजिककार्य करणाऱ्या समाज सेवकांनी केला पाहिजे. पोलिस जनतेचे जवळचे मित्र आहेत.पोलीस यंत्रणेचे कामकाज, त्यांच्याविषयी असणारे गैरसमज दूर व्हावेत, जनमानसात या दलाची प्रतिमा उजळावी, नागरिक तसेच पोलीस यांच्यातील संवादाची दरी भरून निघाली पाहिजे.

पोलीस ही माणसां सारखे माणस आहेत. ते आपल्या मर्जीने कधी सुट्टी घेऊन घरी राहू शकत नाही.कुटुंबातील व्यक्ती आजारी आहे,मुलामुलीचे लग्न आहे.कुटुंबातील कुण्या नातलगाचा मूत्यू झाला तरी हि काही वेळा त्यांना सुट्टी मिळत नाही.त्यांना नेहमीच अत्यावशक सेवा म्हणून कामावर हजर राहावे लागते.आता कोरोनाच्या भिती मुळे सर्व कामगार,कर्मचारी अधिकारी यांना सक्तीची सुट्टी दिली असतांना.पोलीस मात्र जनतेच्या सेवे साठी चौका चौकात उभे आहोत.तरी ही काही लोक त्यांना सहकार्य करण्या ऐवजी हुज्जत घालतात.लोकांमुळे हा त्रास पोलिसांना सहन करावा लागत आहे.पोलीस समजावून सांगत असतांना ऐकत नसतील तर त्यांनी हात बांधून बाजूला गेले पाहिजे काय?. नंतर हेच लोक म्हणतील पोलीस इमानदारीने काम करीत नाही म्हणून लोक रस्त्यावर आले. काही लोक पोलिसांना शिव्या देतात ?. मी एक पोलीस महाराष्ट्रातील तमाम जनतेला एक प्रश्न विचारतो त्यांचे जनतेने,वाचकांनी मला उतर द्यावे. काही व्यक्ती पोलिसांना आई,बाप,बहीण यांच्या वरून शिव्या देतात.त्याचा व्हीडीवो आमच्या घरातील आई,बाप,मुलगा,मुलगी,भाऊ,बहीन नातलग पाहत असतील तर त्यांच्या मनावर काय परिणाम होत असेल. जेव्हा पोलिसांची मुले विचारतील पप्पा ते तुम्हाला शिव्या का देतात, पप्पा तेतुम्हाला मारत का आहेत?. पप्पा तुम्ही तर पोलिस आहात ना?. जनतेचे रक्षक तरी अस का होतंय पप्पा?. तेव्हा मुलाला काय उत्तर द्याचे?. 

कोरोना रोखण्यासाठी केंद्र सरकारने लॉक डाऊन केले.सर्व प्रशासकीय यंत्रणा आपले कर्तव्य म्हणून सेवा देत आहे. कारण नागरिकांना कायमस्वरूपी सेवा देण्यासाठी नोकरी मिळाली होती.ते त्यांना मान्य होती म्हणूनच सेवा देत आहे.किती सहन करणार पोलीस यंत्रणा. ते फक्त आदेशाचे पालन करीत आहे. पोलीस हि माणसं आहेत. त्यांना ही माणूस म्हणून जगण्याचा मुलभूत अधिकार आहे.तुम्हीच सांगा ते जीवावर उद्धार होऊन जनतेची सेवा करण्यासाठी रस्तावर उभे आहेत.त्यांच्या कुटुंबातील लोकांना त्यांची काळजी वाटत नसेल काय ?. जनतेने म्हणजेच लोकांनी पोलिसांना सहकार्य करणे अतिशय अत्यावशक आहे.जे दोनचार लोक पोलिसांना शिवीगाळ,मारहाण करीत असतील त्यांना वेळीच आवर घाला त्या दोनचार लोकांमुळे सर्व समाजाला दोषी ठरवता येणार नाही याची काळजी त्या त्या समाजाच्या सामाजिक,राजकीय नेत्यांनी कार्यकर्त्यांनी घेतली पाहिजे.पोलीस मारतानाचे व्हीडीवो जास्त शेयर होता. पण पोलिसातील माणूस आणि माणुसकी जागी आहे. ते वेळोवेळी गोरगरिबांना मदत करण्यासाठी धावून जातात हे मात्र फार कमी शेयर केल्या जाते. पोलीस नेहमी संकट समयी मदत व सहकार्य करण्यासाठी असतात. पोलिसांना नेहमी सहकार्य केले तर न्याय हक्का अधिकार मिळण्यास मदत होते.आणि कायद्यावर बोट ठेऊन वागला तर कायद्याने द्या कायद्याने घ्या ही वागणूक पोलीस देतात.आजच्या परिस्थितीत पोलिसांना मदत करणे माणसाच्या भविष्यासाठी अत्यावशक आहे. कोरोना नियंत्रणाच्या बाहेर गेला तर माणसाला वाचविण्यासाठी कोणीच पुढे येणार नाही.पोलीस हि माणूस आहे.त्यांना हि पत्नी मुल कुटुंब आहे. याची जाणीव ठेवून सहकार्य करावे.शेवटी पोलीस ही माणस आहेत.ही वाचकांना नम्र विनंती.

सागर रामभाऊ तायडे,९९२०४०३८५९.भांडूप मुंबई