हिंसाचार का वाढत आहे?.

हिंसाचार का वाढत आहे?.

भारत हा ऋषि मुनींचा देश होता मग तो अचानक हिंसाचारी का झाला ?.हिंसाचार का वाढत आहे?.याचा विचार कोणी करणार आहे की नाही?.कोणत्या समस्या आहेत आणि त्या निर्माण कशा निर्माण होत आहेत?.बलात्कार व हिंसा अचानक वाढल्या नाहीत तर त्यामागे मोठे कुप्रसिद्ध प्रबोधन करणाऱ्या मालिका दिवसेंदिवस वेगवेगळ्या नांवाने समाजावर लादल्या जात आहेत.त्यांचे उत्तम उदाहरणे देता येतील.बलात्कार व थोड्याश्या भांडणातून खून हिंसा?. आज दूरचित्रवाणीवर, सिनेमा घरात राजा हरीचंद्र दाखविल्या जात नाही की ते पाहून तो व्यक्ती महान सदाचारी व्यक्ती बनुन आदर्श म्हणून ओळखल्या जाईल. आज टीव्ही चॅनल्सच्या चारशे साडेचारशे वाहिन्या चोवीस तास उघड्या नागड्या जाहिराती दाखवितात.त्यात केस तेल,साबण ते चप्पल पर्यंत जाहिराती बालवयात कोणते संस्कार व संस्कृती रुजविण्यासाठी काम करतात?. बालवयातील मुलंमुली उघड्या नागड्या अश्लील वीडियो, फोटो,अर्धनग्न फोटो फक्त पाहत नाही तर त्याचं पद्धतीने आजूबाजूला भाभी,अँटी,सिस्टर,फिरतांना पाहतात.त्यामुळे बालवयातील मुलामुलींचा पाहण्याचा दृष्टिकोन व मानसिकता बदली होतांना दिसते.मग त्या मानसिकतेला जबाबदार कोण?.प्राथमिक,माध्यमिक शिक्षण घेणारे विद्यार्थी रेल्वे स्टेशनवर,ब्रिजवर किंवा रेल्वे ने प्रवास करतांना आजूबाजूला सह प्रवाशांची मोठी संख्या असतांना देखील अश्लील चाळे करतांना लोकलज्जा सोडून वागतात.त्या मुलामुलींना कोणाचीच भिती वाटत नाही?. तेच मग मोठे झाल्यावर बेजबाबदारीने वागतात.व हिंसक बनतात.त्यांची जबाबदारी समाजाला कायद्याला देता येत नाही.या मानसिकते मध्ये लहानाचे मोठे झालेले मुलंमुली लग्ना नंतर एकत्र कुटुंबात राहण्यास तयार नसतात. त्याला ह्या कुप्रसिद्ध प्रबोधन करणाऱ्या मालिका ते बनविणारे कलावंत,लेखक, दिग्दर्शक निर्माते जबाबदार असतात.असे लिहले तर चूक ठरणार नाही.आज देशात या बलात्कारी हिंसाचारी मनोवृत्तीने अधिकृतपणे कायदेशीर उचल खाल्ली आहे.त्यांचा योग्य फायदा राजकीय आशीर्वाद असलेले बाबा,महाराज,संत,बुवा बापु घेत आहेत.महाभारतातील शुशुपालचे शंभर अपराध पूर्ण झाल्याशिवाय त्याला मारता येत नाही.असे सांगणारी गीता सर्वाना माहिती आहे.तसेच या बाबा,महाराज,संत,बुवा बापु यांच्या अत्याचार अन्यायाला बळी पडणारी व्यक्ती जो पर्यत पोलिस स्टेशनमध्ये लेखी तक्रार दाखल करीत नाही,तो पर्यत भारतीय संविधानाची कायदेशीर कायदे कलम त्याला लागु शकत नाही.जेव्हा ती तक्रार दाखल होते तेव्हा त्या व्यक्तीला संविधानाची अंमलबजावणी करणारे अधिकारीच मोठे करीत राहतात.या बातम्या मसाला पध्दतीने दाखविल्या जातात.जे आई वडील नोकरी करीत असतील त्यांच्या घरात मुलगा मुलगी एकटे राहणे पसंद करतात.मग एकटा मुलगा किंवा मुलगी घरात टीव्ही, इंटरनेटचाच सहारा घेणार नां?.त्यामुळे त्यांना रोखण्यासाठी घरात कोणी नसल्यामुळे तो ती अश्लील वीडियो आणि फोटो पाहिल्या शिवाय राहूच शकत नाही.तेच जर का एकत्र कुटुंब पद्धत असती तर मुलामुलींना घरात कायमस्वरूपी आजी, आजोबा,मग ते आईचे असो किंवा बापाचे असो घरात राहिले असते.त्यांच्यावर चांगले संस्कार करण्याची नकळत पणे ते जबाबदारी त्यांनी पार पाडली असती.ज्यांनी स्वतःच्या आईवडिलांना सांबाळलेले नाही ते आपली मुलं आपल्याला सांबाळतील अशी अपेक्षा का करतात?.

एकत्र कुटुंबात आज आपण टीव्हीवर कोणत्या जाहिराती पाहू शकतो?.दार दहा मिनीटांनी सनी लिओन,बिपाशा बासू,अमृता अरोरा,मालिका,आलीय निरोधच्या जाहिरात काय दाखवितात?.त्याचं वेळी तो रणवीर सिंग शॅम्पू ची जाहिरात करतांना मुलगी पटविण्याचे आसन तरिके सांगणार.क्लोजप, लिम्का, थॉमशॉप हे पाहिल्यावर आपल्याला राग का येत नाही?.आपल्या लहान मुलामुली बरोबर किंवा नातवंडा सोबत मुजिकल चैनल पाहत असु तेव्हा दारू बदनाम कर दी, कुंडी मत खडकावो राजा,मुन्नी बदनाम हुई ,चिकनी चमेली, झेंडू बाम,तेरे साथ करुंगा गंदी बात या सारखे अनेक गाणे मुलामुलींना विचार करण्यासाठी मजबूर करतात.तेव्हा शब्दांच्या संगीताच्या सरमिसळीत आपल्याला राग येत नाही.तर मुलामुलींना नाचण्यास प्रोत्साहित करतो की नाही?.आईवडील, मुलसुना नातवंडां सोबत स्टार प्लस,जी टीव्ही,सोनी टीव्ही, पाहत असतांना हिरो,हिरोईन डोळ्यात डोळे घालुन किस करतात सुहाग रात ची सुरवात त्यामुळे कुटुंबातील सर्व अस्वस्थ होतात.तेव्हा कोणी लघवीला उठून जातो,कोणी किचन मध्ये पाणी पिण्यासाठी, कळत न कळत कोणीच काही प्रतिक्रिया देऊ शकत नाही.तसेच भाभीजी घर पर है,जिजाजी छत पर है,हया सिरीयल खास त्याचं वर्गाला डोळ्यासमोर ठेऊन बनविल्या जातात.तारक मेहता का उलटा चष्मा ही तर खुप लोकप्रिय सिरीयल आहे,त्यात टप्पू चा बाप जेठालाल बबिता दिसली की कसा लालघोटे पणा करतो.ते आपण कुटुंबातील सर्वां सोबत पाहत तेव्हा कोणाला वाईट वाटत नाही.किंवा राग येत नाही.अशा टीव्ही मालिका आजच्या मुलामुलींवर कोणते संस्कार करतात?.

बलात्कार आणि हिंसा हे रोखण्यासाठी केवळ सरकारच जबाबदार म्हणजे पोलिस प्रशासकीय व्यवस्था, न्याय पालिका व्यवस्था यांची खुप महत्वाची जबाबदारी आहे. पण समाज व प्रिंट चॅनल मीडियाची काहीच जबाबदारी नाही?.अभिव्यक्ती स्वातंत्र्याच्या नांवा खाली काही लिहले व दाखविले तरी चालेल ?.टीव्ही चॅनल वर मनोरंजनाच्या नांवा खाली काही दाखवा आम्ही ते चुपचाप पाहु हे भारतीय जनतेच झाले आहे?.राष्ट्रीय बातम्या सुरू असतांना ब्रेक येतो पहिली जाहिरात बॉडी स्प्रे ची त्यात मुलगी डोंगरा वरून पडते,दुसरी निरोध, तिसरी नेहा स्वाहा नॅपकिन स्नेहा चौथी गरोदर चेकअप मशीनची म्हणजे प्रत्येक जाहिरातीत नारी ती केवळ भोगाची वस्तू आहे तिचा वापर करा हेच सांगितल्या जाते. बलात्कार व हिंसा केवळ कायदे करून थांबनार नाही.त्यासाठी समाज व प्रिंट चॅनल मीडिया बदलने आवश्यक आहे.त्यामुळेच विद्यार्थी दशे पासुन मुलामुलींवर संस्कार ही मोठी माध्यमे करतात त्यातील सामाजिक,शैक्षणिक बदल अति आवश्यक आहे.तरच बलात्कार व हिंसा थांबु शकते.हिंसाचार का वाढत आहे?. यांचे मूळ माहिती असुन ही कोणी बंद करण्याचे धाडस करत नाही.कारण मार्केट,मार्केटिंग त्यातुन होणारे उत्पन्नात सर्व सहभागी झाले आहेत.भरडल्या जातात ते सर्व सामान्य जनता मग सर्वात जास्त बदल हा जनतेत अपेक्षित आहे.समाजात बदल होत नसेल तर बलात्कार व हिंसा करणाऱ्यांची संख्या वाढत जाईल म्हणूनच हिंसाचार का वाढत आहे?.या सार्वजनिक ठिकाणी चर्चा करणे आवश्यक आहे.

सागर रामभाऊ तायडे भांडुप मुंबई 9920403859,