सांगा आम्हाला बिर्ला बाटा आणि टाटा कुठाय हो?.

सांगा आम्हाला बिर्ला बाटा आणि टाटा कुठाय हो?.

सांगा धनाचा साठा आमचा वाटा कुठाय हो ?.हे गाणे पुरोगामी महाराष्ट्र राज्यातील असंघटीत कष्टकरी कामगारांच्या न्याय हक्कासाठी लढणाऱ्या कार्यकर्त्यांच्या तोंडपाठ आहे. संपूर्ण देश कोरोनाच्या संकटाशी भिडत आहे. देशावर देशातील माणसावर प्रेम करणारा प्रत्येक माणूस या संकटावर मात करण्यासाठी आपल्या परीने समाजसेवा करीत आहेत. पोलीस, डॉक्टर, नर्स,हॉस्पिटल,महानगरपालिका मधील सर्व कामगार,कर्मचारी आणि अधिकारी खूप महत्त्वाची सेवा देत आहेत. त्याचं बरोबर काही लोक असंघटीत कामगारांना भोजन देण्यासाठी कष्ट करून वेळ देत आहे. काही लोक आपल्या परीने अन्न धान्य देऊन आर्थिक मदत करीत आहेत.

यात बिर्ला, बाटा कुठे दिसले काय?. टाटा गोरगरिबांसाठी काय करते.टाटा शिक्षण, आरोग्य आणि रोजगार यांचावर भर देते.योग्य शिक्षण मिळाले तर योग्य नोकरी, गंभीर आजार झाला तर टाटा हॉस्पिटल शिवाय पर्याय नाही. इतर आजारासाठी टाटा ट्रस्टच्या माध्यमातून मोठी आर्थिक मदत गोरगरिबांना नियमितपणे दिली जाते. गोरगरिबांच्या मुलांना इलेक्ट्रिकल, वायरमन, प्लंबर,फिटर,टर्नल हे कॉर्सचे मोफत प्रशिक्षण दिल्या जाते. जेणेकरून त्यांना गांवात कुठेही रोजगार उपलब्ध होऊ शकते. गोरगरिबांच्यासाठी बिर्ला,बाटा काय करते ?. माहीत आहे काय?.नाही म्हणूनच असंघटित गोरगरिबांना संघटित करणारी चळवळ जाहीर पणे विचारते.सांगा आम्हाला बिर्ला बाटा, टाटा कुठाय हो?.सांगा धनाचा साठा आमचा वाटा कुठाय हो ?.

कोरोनाच्या संकटाचा सामना करण्यासाठी सरकारला मदत देण्यासाठी कोण पुढे आले. महिंद्रा,टाटा सन्स आणि टाटा ट्रस्ट, बजाज, हिरो मोटोकॉर्प या स्वदेशी उद्योगपतीच्या समूहांनी कोरोना मुक्तीसाठी भरघोस मदत देऊन आपला देश म्हणून आपली बांधिलकी जपली. टाटा सन्स व टाटा ट्रस्ट यांनी एकूण 1500 करोड ची मदत देऊन जाहीर केली. महिंद्रा इंजिन च्या प्लांट मध्ये अगदी स्वस्त दरात म्हणजे 7500 रूपया मध्ये व्हेंटीलेटर्स बनविण्याचे काम सुरु केले. बजाज आणि हिरो या कंपन्यांनी प्रत्येकी 100 करोड ची मदत केली. भारतात कार उत्पादनात अग्रेसर कंपनी मारुती सुझुकी आहे.मारुति चा इतिहास १९७० ला सुरु झाला आहे.जेव्हा खाजगीकरणाची सुरवात होती. "मारुति टेक्निकल सर्विस प्राइवेट लिमिटेड (MTSPL) १६ नोव्हेंबर १९७० ला झाली.तिचा मोठा राजकीय घोटाळ्याचा इतिहास आहे.पण मदतीचा हाथ प्रथम पुढे करायला का आली नाही.तर ती परदेशातील कंपनी आहे.मदत करायला पुढे आल्या त्या स्वदेशी कंपन्या आहेत. भारतीय नागरीकांनो टाटा,महिंद्राची कार साधी असेल पण ती माझ्या देशाची आहे. शेवटी देशाच्या रक्षणासाठी आपलेच पुढे आले आणि येतात.शेवटी रक्तांचे नाते मातृभूमी प्रेम असते. याचा विचार आपण एक देशवासीय म्हणून कधी करणार?. देशाच्या कंपन्या ज्या निर्मिती करतायत त्याकडे साफ दुर्लक्ष करून मारुती सुझुकी, ह्युंदाई, फोक्सवॅगन सारख्या गाड्या घेऊन आपण खरंच आपल्या देशातील ऑटोमोबाईल उद्द्योगाला कितपत सहकार्य करतोय ह्याचा आपण विचार करायला हवा. शेवटी अडचणीत सापडला कि आपलेच कामाला येतात हेच या स्वदेशी उद्योगांनी दाखवून दिले. पण आपण एक भारतीय देशवासीय म्हणून आपली जबाबदारी कधी ओळखणार?. असो यावर विचार नक्की करावा म्हणून हा लेखप्रपंच. 

साधी राहणी उच्च विचार सरणी जमशेदजी टाटा ते रतन टाटा पर्यत उद्योगातुन देशसेवा करने हेच उद्धिष्ट राहिले आहे. इतरांना ते जमणं शक्य नाही. ते आता देश विकून कमिशन मिळवण्यासाठी कोणत्याही स्तरावर जाण्यासाठी तयारीत आहेत, मग सांगा त्यांना उद्योगातुन देशसेवा करायची आहे काय?. त्यांना जाहीर पणे विचारले पाहिजे. सांगा बिर्ला बाटा धनाचा साठा आणि आमचा वाटा कुठाय हो?.तूर्त एवढेच......

सोबत दोन बोलके छायाचित्रे आहे.जमिनीवर बसलेला माणूस कधीच कमी पडत नाही, सतत कायदा सुव्यवस्था मोडून जातीजातीत तेढ निर्माण करण्याची भाषा बोलणारा किती नम्रपणे कोणाचे चरणस्पर्श करतो.

 

सागर रामभाऊ तायडे.९९२०४०३८५९.भांडूप,मुंबई

2 Attachments